«ԳՐԱԲԱՐ - լեզու նախնեաց» ՖԻԼՄԻ ՑՈՒՑԱԴՐՈՒԹՅՈՒՆ

2010թ. սեպտեմբերի 22-ին «ԾԻՐԱՆԻ» ՀԿ –ի և «ԺԱՌԱՆԳ» ՀԿ-ի նախաձեռնությամբ «ԺԱՌԱՆԳ»-ի գրասենյակում ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում ծավալվեց քննարկում:

ՇՆՈՐՀԱՎՈՐ ՀՀ ՏԱՐԵԴԱՐՁԸ

Պատկերի հեղինակ` Վ. Վարդումյան

Ազգային խորհդանշանների օգտագործումը ժամանակակից զանգվածային մշակույթի մեջ

2010թ. սեպտեմբերի 18-ին «ԾԻՐԱՆԻ» ՀԿ-ն և «Արամարա» ընկերությունը համատեղ կազմակերպեցին «Ազգային խորհդանշանների օգտագործումը ժամանակակից զանգվածային մշակույթի մեջ» խորագրով դասախոսություն-քննարկում:

Դասախոսությունը վարեց Համլետ Մելքումյանը (ԵՊՀ Մշակութաբանության ամբիոն, ասպիրանտ: ՀԱԻ Արդիականության ազգաբանության բաժնի աշխատակից): Ներկայացվեց Հայաստանում ժամանակակից հուշանվերային մշակույթում ազգային խորհրդանշանների վերստեղծման, օգտագործման, մասայականացման - շուկայականացման գործընթացները (ըստ երևանյան Վերնիսաժների հետազոտության):

«ԳՐԱԲԱՐ - ԼԵԶՈՒ ՆԱԽՆԵԱՑ» ՖԻԼՄԻ ՑՈՒՑԱԴՐՈՒԹՅՈՒՆ «ՀԵԿԱ»-Ի ԳՐԱՍԵՆՅԱԿՈՒՄ

2010թ. սեպտեմբերի 16-ին «ԾԻՐԱՆԻ» ՀԿ –ի և «Հայաստանի Երիտասարդ Կանանց Ասոցիացիայի» նախաձեռնությամբ «ՀԵԿԱ» գրասենյակում ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում ծավալվեց թեժ քննարկում:

Շնորհակալություն Վարուժան Գեղամյանին:

http://aywa.am/hy/view/445

AREVIK.INFO

http://arevelk.info/archives/888

Երիտասարդները, ֆիլմ դիտելով, սիրեցին մեր նախնյաց լեզուն

http://www.ysu.am/site/index.php?lang=3&page=2&id=3084

«ԳՐԱԲԱՐ - լեզու նախնեաց» ՖԻԼՄԻ ՑՈՒՑԱԴՐՈՒԹՅՈՒՆ ԵՊՀ ԱՐԵՒԵԼԱԳԻՏՈՒԹՅԱՆ ՖԱԿՈՒԼՏԵՏՈՒՄ

2010թ. սեպտեմբերի 14-ին «ԾԻՐԱՆԻ» ՀԿ նախաձեռնությամբ, «Արևելագետների ակումբի» և ԵՊՀ արևելագիտության ֆակուլտետի ՈՒԳ-ի օժանդակությամբ ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում ծավալվեց ակտիվ քննարկում:

Հատուկ շնորհակալություն Վարուժան Գեղամյանին կազմակերպչական գործում մեծ աջակցության համար:

ՈՉ ԹԵ ՎԵՐԱԴԱՌՆԱԼ ԳՐԱԲԱՐԻՆ, ԱՅԼ ՃԱՆԱՉԵԼ ԱՅՆ - Aravot.am

ՈՉ ԹԵ ՎԵՐԱԴԱՌՆԱԼ ԳՐԱԲԱՐԻՆ, ԱՅԼ ՃԱՆԱՉԵԼ ԱՅՆ - Aravot.am

Ներկայացվեց «Գրաբար-լեզու նախնայց» ֆիլմը - Այսօր` թարմ լուրեր Հայաստանից

Ներկայացվեց «Գրաբար-լեզու նախնայց» ֆիլմը - Այսօր` թարմ լուրեր Հայաստանից

ARMENPRESS

http://armenpress.am/news/more/id/615614/lang/am

PanARMENIAN.Net

«ԳՐԱԲԱՐ - լեզու նախնեաց» ֆիլմի մասին PanARMENIAN.Net

ՄԱՄԼՈ ԱՍՈՒԼԻՍ «ԱՐՄԱՏ» ԱԿՈՒՄԲՈՒՄ

Slaq.am | Նորություններ | Նոր ֆիլմ. «ԳՐԱԲԱՐ-լեզու նախնեաց»

Slaq.am | Նորություններ | Նոր ֆիլմ. «ԳՐԱԲԱՐ-լեզու նախնեաց»

«ԳՐԱԲԱՐ - լեզու նախնեաց» ֆիլմի շնորհանդէսը

2010թ. օգոստոսի 10 -ին «ԾԻՐԱՆԻ» ՀԿ-ն ՀԱՀ Մանուկեան սրահում կազմակերպեց «ԳՐԱԲԱՐ - լեզու նախնեաց» վաւերագրական ֆիլմի շնորհանդէսը: Ֆիլմը չորս ամսուա քրտնաջան աշխատանքի արդիւնք է, որը նպատակ ունի երիտասարդութեան մէջ վերարթնացնելու գրաբարի հանդեպ սէրը եւ դրանով ցոյց տալու, որ գրաբարը հիմքն է, ինչպէս արդի հայերենի այնպէս էլ մեր` հայերիս ողջ

լեզուամտածողութեան:

ֆիլմը չի քարոզում վերադարձ դեպի գրաբար, այլ կարեւորում է մեզանում դրա իմացութիւնը, քանզի, փաստ է, որ գրաբարը մեր մշակոյթի, ասել է թէ` մեր ինքնութեան կարեւորագոյն մի մասն է:

«Ծիրանի» հկ-ն արդեն մեկ տարի է, ինչ նախաձեռնել եւ իրականացնում է գրաբարի անվճար դասընթացներ, որոնց արդիւնքում շուրջ 200 հայորդիներ հնարաւորութիւն են ստացել առնչուելու մեր նախնիների կողմից մեզ աւանդուած ոսկեղենիկ գրաբարին: ՀԿ-ի այս փորձը ցոյց տուեց, որ գրաբարի նկատմամբ հետաքրքրութիւնը շատ մեծ է, պարզապէս մեզանում պէտք է փոխել այն կարծրատիպը, թէ գրաբարը դժուար է ու անմատչելի: Ահա, մեծաւ մասամբ հենց այս նպատակով է, որ ՀԿ-ն իրականացրեց սոյն ֆիլմի պատրաստութիւնը:

Ֆիլմի ռեժիսոր և յեղինակ - Նարեկ Աշուղաթոյեան

Օպերատոր և մոնտաժող - Լեւոն Առաքելեան

Պրոդիւսեր - Լիլիա Պետրոսեան

Տեւողութիւնը` 18 րոպե

Լեզուն` Հայերեն

Միջոցառման վերջում ազգային-հոգեւոր երգորով ծաղկացրեց Արարատեան Հայրապետական թեմի «Ծաղկազարդ» երգչախումբը, գլխաւորութեամբ տիկին Լիլիթ Գրիգորյանի:

ԴԱՍԱԽՈՍՈՒԹՅՈՒՆ ԱՄԵՐԻԿՅԱՆ ՀԱՄԱԼՍԱՐԱՆՈՒՄ

Հուլիսի 28-ին Լիլիա Պետրոսյանը («ԾԻՐԱՆԻ» ՀԿ) դասախոսեց Հայաստանի Ամերիկյան Համալսարանի և Կարմիր խաչի միջազգային կոմիտեի կողմից կազմակերպված Միջազգային մարդասիրական իրավունքի ամառայաին դպրոցում: Նա ներկայացրեց «մշակութային արժեքների պաշտպանության հիմնախնդիրները միջազգային մարդասիրական իրավունքի և մարդու իրավունքների համատեքստում» զեկույցը:

ԳՐԱԲԱՐ/լեզու նախնեաց

«ԾԻՐԱՆԻ» ՀԿ-ի «ԳՐԱԲԱՐ լեզու նախնեաց» փաստավավերագրական ֆիլմը արդեն ամբողջությամբ պատրաստ է: Շուտով կսկսվի մեր ֆիլմի ցուցադրությունների շարքը տարբեր ակումբներում:

«ՀԱՅՈՑ ՄՇԱԿՈՒՅԹԻ ՆԵՐԿԱՅՈՒԹՅՈՒՆԸ ՀԱՄԱՑԱՆՑՈՒՄ» ԳԱՐՆԱՆԱՅԻՆ ԴՊՐՈՑ

2010թ. մայիսի 14-28 «Ծիրանի» ՀԿ-ն նախաձեռնեց «Հայոց մշակույթի ներկայությունը համացանցում» գարնանային դպրոցը: Այս դպրոցի նպատակն էր մասնակիցներին ծանոթացնել հայկական մշակութային մի շարք խնդիրներին և դրանց համացանցային քարոզչության ներկա իրավիճակին: Դասընթացը բաժանված էր երկու խմբի` տեսական և գործնական: Գործնական մասը մասնակիցներին հնարավորություն ընձեռց հմտանալ ինքնուրույն բլոգ ստղծելու և աշխատեցնելու գործում:

Դպրոցում զեկույցներով հանդես եկան.

Նարեկ Աշուղաթոյան («ԾԻՐԱՆԻ» ՀԿ ):

Սամվել Մարտիրոսյան (Նորավանք Գ/Կ հիմնադրամ):

Կարեն Վրթանեսյան («ԺԱՌԱՆԳ» ՀԿ):

Թոմ Սամուելյան («Առակ 29» Բարեգործական հիմնադրամ):

Լիլիա Պետրոսյան («ԾԻՐԱՆԻ» ՀԿ):

Վահան Զաքարյան (lusamut.net):

Վահագն Վարդումյան

Արդյունքւոմ ստեղծվեցին հետևյալ բլոգերը, որոնք հիմնականում վերաբերում են Զուղայի կործանված գերեզմանատանը.

http://armartproject.blogspot.com/

http://culturalgenocide.blogspot.com/

http://culturalgenocide-julfa.blogspot.com/

http://jugha-fr.blogspot.com/

http://jughaculturalgenocide.blogspot.com

http://khachkar-khachkar.blogspot.com/

http://discorsiculturali.blogspot.com/

http://jugha.blogspot.com/

http://djulfa.blogspot.com/

armsymbol.blogspot.com

ԱՄՓՈՓԵՑԻՆՔ ԳՐԱԲԱՐԻ ՅՈԹՇԱԲԱԹՅԱ ԴԱՍԸՆԹԱՑՆԵՐԸ

2010թ. ապրիլի 9-ին «ԾԻՐԱՆԻ» ՀԿ-ն վերսկսեց ԳՐԱԲԱՐԻ (հին հայերեն) յոթշաբաթյա դասընթացները: Ծրագրի նպատակն էր մասնակիցներին ծանոթացնել մեր հնագույն լեզվի քերականական և ոճաբանական սկզբունքներին: Գրաբարի իմացությունն իրապես շատ կարևոր է, որովհետև մեր ազգային գրավոր ժառանգության զգալի մասը դեռ թարգմանված չէ, բացի դրանից, գրաբարի իմացությունը կօգնի ժամանակակից հայերենի ճիշտ կիրառմանը: մասնակիցների աննախադեպ քանակի պատճառով ձևավորվեց երկու խումբ: Առաջին խմբին դասավանդեց Մայր Աթոռի միաբան Տ. Գարեգին աբեղա Համբարձումյանը, իսկ երկրորդին` լեզվաբան Թովմաս Սամուելյանը: Ծրագիրը ամփոփվեց հունիսի 13-ին Մայր Աթոռ Սբ. Էջմիածնում, ուր դասընթացը հաջողությամբ ավարտած մասնակիցները ստացան վկայականներ:

ՆԿԱՐԱՀԱՆՈՒՄ ԵՆՔ ԴՈԿՈՒՄԵՆՏԱԼ ՖԻԼՄ ԳՐԱԲԱՐԻ ՄԱՍԻՆ: ՇՈՒՏՈՎ...

ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԲԱՆԱՍՏԵՂԾ ԱԼԱՆ ՈՒԱՅԹՀՈՐՆԻ ՀԵՏ

2010թ. մայիսի 29-ին «Ծիրանի» ՀԿ կազմակերպեց դասախոսություն-քննարկում հայտնի կանադացի բանաստեղծ Ալան Ուայթհորնի մասնակցությամբ:

Ալան Ուայթհորնը դասավանդում է Կանադայի թագավորական զինվորական քոլեջում: Նա բազմաթիվ աշխատություններ է հրապարակել Հայոց ցեղասպանության մասին, ինչպես նաև դասախոսություններ կարդացել նույն թեմայով աշխարհի առաջատար համալսարաններում:

Նա հրապարակել է «Արդար պոեմներ» իր բանաստեղծությունների ժողովածուն, որը հայոց ցեղասպանության խնդրի և դրա հաղթահարման, ինչպես նաև ճանապարհին հանդիպող խոչընդոտների անձնական մշակութային արտացոլումն է:

Հանդիպման ժամանակ բանախոսը ներկայացրեց իր հեղինակած որոշ գրքեր ու նրանցում բարձրացվող խնդիրներ, ապա մեկնաբանեց իր անձնական դիտարկումները մեր այժմյան խնդիրների և դրանց հնարավոր լուծումների վերաբերյալ:

«ԾԻՐԱՆԻՆ» իր խորին շնորհակալությունն է հայտնում բանախոսին, ով մեծ սիրով համաձայնվեց ներկա լինել մեր ակումբում:

«ՀԱՅՈՑ ՄՇԱԿՈՒՅԹԻ ՆԵՐԿԱՅՈՒԹՅՈՒՆԸ ՀԱՄԱՑԱՆՑՈՒՄ» ԳԱՐՆԱՆԱՅԻՆ ԴՊՐՈՑ / ՆԿԱՐՆԵՐ

«Հայոց մշակույթի ներկայությունը համացանցում» գարնանային դպրոց

Մայիսի 14-ին մեկնարկեց Ծիրանիի կազմակերպած «Հայոց մշակույթի ներկայությունը համացանցում» գարնանային դպրոցը: Այս դասընթացի նպատակն է մասնակիցներին ծանոթացնել հայկական մշակութային մի շարք խնդիրներին և դրանց համացանցային քարոզչության ներկա իրավիճակին: Դասընթացը բաժանված է երկու խմբի` տեսական և գործնական: Գործնական մասը մասնակիցներին հնարավորություն կընձեռի հմտանալ ինքնուրույն բլոգ ստեղծելու և աշխատեցնելու գործում:

Դպրոցում առայսօր զեկուցել են Սամվել Մարտիրոսյանը, Նարեկ Աշուղաթոյանը և Կարեն Վրթանեսյանը:

Նշենք, որ գրանցման ժամանակ առավել ակտիվություն նկատվեց իգական սեռի ներկայացուցւչների կողմից:

ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԳԼԱՁՈՐԻ ՀԱՄԱԼՍԱՐԱՆՈՒՄ

«ԾԻՐԱՆԻ» ՀԿ-ն 2010թ. մայիսի 6-ին Գլաձորի համալսարանի իրավաբանության և միջազգային հարաբերությունների ֆակուլտետների ուսանողների համար կազմակերպեց դասախոսություն-քննարկում հայոց մշակութային ցեղասպաության վերաբերյալ: Այն վարում էր Լիլիա Պետրոսյանը:

Լիլիա Պետրոսյանը ուսանողներին ներկայացրեց զեկույց, որում քննարկվում էր հայոց մշակութային ցեղասպանությունը իրավական տեսանկյունից: Զեկույցում մանրամասն ներկայացվեց գոյություն ունեցող կոնվենցիաները և դրանց իրավական ազդեցությունը հայկական մշակութային ժառանգության դեմ բարբարոսությունների կանխման գործում:

Լիլիա Պետրոսյանը «Ծիրանի» ՀԿ-ի շրջանակներում արդեն երկար ժամանակ է ինչ զբաղվում է այս խնդրով: Նա վերապատրաստվել է Զորյան ինստիտուտում (Կանադա) մասնագիտանալով` «ցեղասպանություն և մարդու իրավունքներ» ոլորտում և ներկայումս ավարտում է Հայաստանի ամերիկյան համալսարանի իրավաբանության ֆակուլտետը:

Ի դեպ, «ԾԻՐԱՆԻ» ՀԿ-ն իր խորհին շնորհակալությունն է հայտնում Գլաձոր համալսարանի ղեկավարությանը, հանձին` Հասմիկ Վարդանյանի, ով ջանասիրաբար կազմակերպեց «Ծիրանիի» դասախոսությունը:

ՄԵՆՔ vs ՀԱՄԱՑԱՆՑ

Համացանցի ներկայությունը մեզանում մեծապես փոխում է զանազան մոտեցումներ: Փաստորեն, եթե առաջ գիտնականնեը պայքարում էին գրքեր, հոդվածներ հրատարակելով կամ պարզապես գիտաժողովներ հրավիրելով, ապա այժմ բացվել է նոր ճակատ, այն է` համացանցը: Համացանցում հայկական էլեմենտի ներկայությունը բավականին պասիվ է, չնայած որ մի խումբ մարդիկ արել են անհնարինը, որպեսզի այս ոլորտը ևս ետ չմնա: Այդուհանդերձ, սա մեկ մարդու խնդիր չէ, այլ ճիշտ համակարգելու դեպքում, մեզանից յուրաքանչյուրը կարող է իր լուման ունենալ այս գործում. հատկապես հայկական մշակույթի համացանցում ներկայացման գործում:

Ինչո՞ւ է սա կարևոր.

ա. որովհետև պետք է համացանցում ունենանք պատշաճ ներկայություն:

բ. որպեսզի թույլ չտանք, որ մեր թշնամինները, օգտագործելով մեր անունները, տարածեն մեր մասին ապատեղեկատվություն:

գ. որպեսզի հենց մեր հայկական լսարանի համար ստեղծենք հայերեն էլ. պաշարներ, որպեսզի գոնե տարրական նյութեր փնտրելիս ստիպված չլինենք գնալ այլ լեզուների ցանցեր:

Կ՛ուզէի տեսնել այս աշխարհի վրայ որեւէ ուժ, որ բնաջնջէ այս սերունդը, այս փոքր ցեղին անկարեւոր ժողովուրդը,

որուն բոլոր պատերազմները կռված են եւ հաղթուած, կառոյցները` փշրուած, գրականութիւնը` չէ կարդացուած, երաժշտութիւնը` չէ լսուած եւ աղօթքները` էլ չեն պատասխանուած: Համարձակեցէ՛ք բնաջնջել Հայաստանը: Տեսէ՛ք թէ կրնա՞ք։ Աքսորեցէ՛ք դէպի անապատները առանց հացի եւ ջուրի: Այրեցէ՛ք անոնց տուներն ու եկեղեցիները: Յետոյ տեսէ՛ք, թէ անոնք արդեօք կրկին չեն խնդա, երգէ կամ աղօթէ: Որովհետև երբ անոնց երկուսը աշխարհի որեւէ մասում հանդիպէ, տեսէ՛ք, թէ անոնք արդեօք մի Նոր Հայաստան չեն ստեղծէ:

Վիլեամ Սարոյեան

«ԾԻՐԱՆԻՆ» ԳԻՏԱԺՈՂՈՎՈՒՄ...

Հայոց ցեղասպանության թանգարան-ինստիտուտի նախաձեռնությամբ 2010թ. ապրիլի 20-ին հրավիրվեց միջազգային գիտաժողով մշակութային ցեղասպանության հարցի վերաբերյալ: Այս գիտաժողովում «ԾԻՐԱՆԻ» ՀԿ-ն ի դեմս Լիլիա Պետրոսյանի ներկայացրեց զեկույց, որում քննարկվում էր մշակութային ցեղասպանությունը իրավական տեսանկյունից: Զեկույցում մանրամասն ներկայացվեց գոյություն ունեցող կոնվենցիաները և դրանց իրավական ազդեցությունը հայկական մշակութային ժառանգության դեմ բարբարոսությունների կանխման գործում:

Ի դեպ, Լիլիա Պետրոսյանը «Ծիրանի» ՀԿ-ի շրջանակներում արդեն երկար ժամանակ է ինչ զբաղվում է այս խնդրով: Նա վերապատրաստվել է Զորյան ինստիտուտում (Կանադա) մասնագիտանալով` «ցեղասպանություն և մարդու իրավունքներ» ոլորտում և ներկայումս ավարտում է Հայաստանի ամերիկյան համալսարանի իրավաբանության ֆակուլտետը:

ԴԱՍԱՎԱՆԴՈՒՄ Է Տ. ԳԱՐԵԳԻՆ ԱԲԵՂԱ ՀԱՄԲԱՐՁՈՒՄՅԱՆԸ: ԳՐԱԲԱՐ/ԴԱՍ Բ

ՆԿԱՏԵՑԻՆՔ...

Երևանի 13րդ դարին պատկանող Կաթողիկե Սբ. Աստվածածին եկեղեցու պատին ոմն չոբան իր ընկերոջ հետ այլանդակել է եկեղեցու հյուսիսային պատը` արևային հնագույն ժամացույցի ճիշտ վերևի մասում:

ՄԵԿՆԱՐԿԵՑ ԳՐԱԲԱՐԻ ԴԱՍԸՆԹԱՑՆԵՐԻ ԵՐԿՐՈՐԴ ԽՄԲԻ ԴԱՍԵՐԸ...

2010թ. ապրիլի 14-ին մեկնարկեց «ԾԻՐԱՆԻ» Հկ-ի կազմակերպած գրաբարի անվճար դասընթացների երկրորդ խմբի դասերը: Հիշեցնենք, որ առաջին խմբին դասավանդում է Տ. Գարեգին աբեղա Համբարձումյանը, իսկ երկրորդ խմբին` լեզվաբան Թոմ Սամուելյանը: Երկու խմբերում էլ առաջին դասը նվիրված էր դասական ուղղագրության կանոններին, որոնց հիման վրա մասնակիցները սովորեցին ճիշտ ընթերցել գրաբարյան տեքստեր:

Հարգելի բլոգերներ,

Հավանաբար ձեզանից շատերը տեղյակ են Զուղայում կաարված մշակութային ցեղասպանության մասին: Համացանցում ճիշտ ինտերնետ քաղաքականության բացակայության պատճառով այս իրողությունները չեն ներկայացվում, որպես մշակութային ցեղասպանություն, այն ինչ, այն մշակութային ցեղասպանության դասական օրինակ է:

Խնդրում ենք Ձեզ հարմար առիթի դեպքում անդրդառնալ այս խնդրին` շեշտադրելով դրա հենց մշակութային ցեղասպանություն լինելը:

«ԾԻՐԱՆԻ» ՀԿ

ԱՄՓՈՓԵՑԻՆՔ 2009թ. «ԾԻՐԱՆԻԻ» ԾՐԱԳՐԵՐԸ

Վարպետաց դաս ազգային երաժշտության վերաբերյալ. թեմա` «հորովել և բլուլ». բանախոսներ` Անդրանիկ Մանուկյան «Սասուն» համույթ, Սերոբ սարկավագ Հովհաննիսյան և Նորայր Քարտաշյան:

Դասախոսություն - քննարկում մահմեդական հայերի վերաբերյալ. բանախոս` Կարեն Խանլարյան:

Դասախոսություն - քննարկում «վաղագույն պետական կազմավորումները հայկական լեռնաշխարհում» խորագրով. բանախոս` ՀՀ ԳԱԱ հնագիտ. և ազգագր. ինստիտուտի տնօրեն Պավել Ավետիսյան:

«Արարատ. հայոց անմահության խորհուրդը» ֆիլմի բացօթյա ցուցադրություն Երևանի Կաթողիկե Սբ. Աստվածածին եկեղեցու բակում: Միջոցառումը կազմակերպվել էր ՀՀ ԳԱԱ պատմության ինստիտուտի տնօրեն Աշոտ Մելքոնյանի հետ:

Զուղայի կործանված գերեզմանատան վերաբերյալ բացօթյա ֆոտո ցուցահանդես Առագաստ սրճարանի հարակից այգում:

ՀԱՀ «Հայրենասեր» ակումբի հետ համատեղ դասախոսություն Կիլկիա նավի ուխտագնացության մասին. բանախոս` նավապետ Կարեն Բալայան:

Դասախոսություն - քննարկում Զուղայի գերեզմանատան որոշ լուսանկարների վերաբերյալ. բանախոս` Զավեն Սարգսյան:

«Ճանաչի՛ր քո հուշարձանները» կրթական ակցիա Ավանի տաճարի շրջակայքում:

Դասախոսություն - քննարկում «Ուրարտական հուշարձանների պահպանության խնդիրներ» խորագրով. բանախոս` Աշոտ Փիլիպոսյան:

Երիտասարդական այցելություն Շենգավիթի հնավայր: Բացօթյա դասախոսություն կարդաց պատմ. դոկտոր, պրոֆեսոր Ռուբեն Բադալյանը:

Գրաբարի յոթ շաբաթյա անվճար ուսուցում: Մասնակցում էին ավելի քան 60 ուսանող:

ՍԿՍՎԵՑ ԳՐԱԲԱՐԻ ԴԱՍԸ ...

Ապրիլի 9-ին մեկնարկեց «ԾԻՐԱՆԻ» ՀԿ-ի նախաձեռնած գրաբարի անվճար դասընթացները: Մասնակիցների աննախադեպ քանակի պատճառով դասընթացները բաժանեցինք երկու խմբի: Առաջին խմբին դասավանդում է Տ. Գարեգին աբեղա Համբարձումյանը, իսկ երկրորդին` լեզվաբան Թոմ Սամուելյանը: Հուսով ենք, որ մասնակիցները կշարունակեն նույն եռանդով ներգրաված լինել գրաբարի ուսուցման ծրագրում մինչև դասընթացի ավարտը:

ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ ԳԼԱՁՈՐԻ ՀԱՄԱԼՍԱՐԱՆՈՒՄ

«ԾԻՐԱՆԻ» ՀԿ-ն 2010թ. ապրիլի 7-ին Գլաձորի համալսարանի իրավաբանության և միջազգային հարաբերությունների ֆակուլտետների ուսանողների համար կազմակերպեց Զուղայի գերեզմանատան ոչնչացման վերաբերյալ դասախոսություն-քննարկում: Այն վարում էր Ն. Աշուղաթոյանը: Դասախոսության սկզբում ցուցադրվեց Տիրան Կարապետյանի «Զուղա» ֆիլմը, ապա ներկայացվեց դատապարտման ուղղությամբ առ այսօր կատարված ողջ գործընթացը, իսկ վերջում ուսանողներին առաջարկվեց ակտիվորեն մասնակցել այս քարոզարշավին: Քննարկվեց բլոգեր ստեղծելու և դրանք վարելու խնդիրները և հեռանկարները:

Ի դեպ, «ԾԻՐԱՆԻ» ՀԿ-ն իր խորհին շնորհակալությունն է հայտնում Գլաձոր համալսարանի ղեկավարությանը, հանձին` Հասմիկ Վարդանյանի, ով ջանասիրաբար կազմակերպեց «Ծիրանիի» դասախոսությունը:

ԱԿՑԻԱ «ՃԱՆԱՉԻ՛Ր ՔՈ ՀՈՒՇԱՐՁԱՆՆԵՐԸ» ԽՈՐԱԳՐՈՎ

2010թ ապրիլի 2-ին «Ծիրանի» ՀԿ-ն կազմակերպեց «ՃԱՆԱՉԻ՛Ր ՔՈ ՀՈՒՇԱՐՁԱՆՆԵՐԸ» ակցիան: Ակցիայի շրջանակներում Երևանի Կաթողիկե Սբ. Աստվածածին եկեղեցու շրջակայքում բաժանավեցին թռուցիկներ, որը ներկայացնում էր Կաթողիկե Եկեղեցու հարավային պատին գտնվող մի արձանագրություն: Ակցիայի հիմնական նպատակն էր մեր համաքաղաքացիներին ծանոթացնել իրենց շատ մոտ կանգնած և շատերին անհայտ հուշարձանին:

Թռուցիկի տեքստը ամբողջական « ԻՍԿ ԳԻՏԵԻ՞Ք, որ Երևանի Սուրբ Կաթողիկե Եկեղեցու հարավային պատին գտնվում է Երևանի ամենահին գրավոր արձանագրությունը (1264թ.): Այն շատ հետաքրքիր և կարևոր արձանագրություն է և իր բնույթով համարվում է հնագույն իրավական հուշարձան: Արձանագրությունը պատմում է, թե ինչպես ոմն Սահմատին անունով մեկը հողով և ջրով գնեց Երևանը, ապա հայտարարում է, որ այն վերադարձի ենթակա չէ, քանզի դրա առուծախից անցել է մեկ տարի:»

Ի դեպ, ապրիլի 4-ին լրանում է Մկրտիչ Խրիմյանի (Խրիմյան Հայրիկ) ծննդյան 190 ամյակը:

Փառք մեծաց մերոց...

Քաղկեդոնականության խնդիրներ...

«ԾԻՐԱՆԻ» ՀԿ-ն հետքրքրված է այն եկեղեցիների ճակատագրով, որոնք համարվում են հայկական, բայց իրեն քաղկեդոնական ոճի պատճառով դարձել են շահարկումների առարկա: Այդ եկեղեցիների շարքին է պատկանում Քոբայրի հայտնի եկեղեցին, ինչպես նաև Լոռու մարզում գտնվող բազում այլ եկեղեցիներ:

ՀԿ-ն շուտով պատրաստվում է հրավիրել դասախոսություն-քննարկում, որտեղ այս խնդիրը կքննարկվի հոգևոր-մշակութային տեսանկյունից:

Ինչու՞ է մեր քաղաքի որոշ հատվածներ շատ «գեշ»

Հավանաբար նկատած կլինեք, որ Երևանը իր քաղաքային գույներով էապես տարբերվում է Եվրոպական մի շարք քաղաքներից: Եթե ավելի խորապաես ուսումնասիրենք քաղաքային գույները, կտեսնենք, որ Երևանում գերակշռում են երեք հիմնական գույներ. վարդագույն, որ գալիս է դեռևս խորհրդային շրջանից, բաց դեղին, որը հիմնականում օգտագործվում է ժամանակակից շենքերում և, վերջապես, մոխրագույն, որն համարվում է մեր քաղաքի գերակշռող գույնը: Դրա հիմնական պատճառը մեր շատ սիրելի «ցեմենտ-բետոնն» է, որ շատերի կարծիքով համարվում է շինարարության վերջին շտրիխը:

Մեզանում պատ ներկելը շատ ընդունված չէ, և սա է այն հիմնական պատճառը, որ մեր քաղաքը նմանվում է մռայլ մի տարածության: Օրինակ` աշխարհի շատ քաղաքներում հաճելի գույներով շինություն ներկելը պարտադիր պայման է հենց քաղաքային իշխանությունների կողմից:

Առաջարկում ենք սկսել այս ավանդույթի ձևավորումը հենց մեր քաղաքում: Մի գուցէ մի բան փոխվի...

Ն. Աշուղաթոյան