Sunday, February 26, 2012
Կայքի մեկնարկում
Ցանկանում ենք տեղեկացնել, որ «Ծիրանի» ՀԿ-ին առնչվող նորություններին ու հայտարարություններին այսուհետ կարող եք ծանոթանալ մեր պաշտոնական կայքում՝ www.tsirani.am :
Friday, February 17, 2012
Դասախոսություն-քննարկում «Հայ երաժշտությունը և նրա արդի աղավաղումները» խորագրով
2012թ. փետրվարի 17-ին «Ծիրանի» ՀԿ-ն և Երևանի ռուսական արվեստի թանգարանը կազմակերպեցին հանդիպում կոմպոզիտոր, կոմիտասագետ Արթուր Շահնազարյանի հետ: Հարգարժան հյուրը հանդիպման ժամանակ խոսեց «Հայ երաժշտությունը և նրա արդի աղավաղումները» թեմայի շուրջ:
Դասախոսության ժամանակ հնչեցին հարցեր, որոնց պրն. Շահնազարյանը պատասխանեց ամենայն մանրամասնությամբ, ավելին` հավելեց կենդանի կատարումներով:
Thursday, November 24, 2011
Մասնակցություն «Արամի խաչմերուկ» շարժմանը
2011թ. նոյեմբերի 24-ին ձևավորվեց «Արամի խաչմերուկ» շարժումը, որի կազմի մեջ ներգրավված էին մի շարք ՀԿ-ներ, քաղաքացիական նախաձեռնություններ և մտահոգ անհատներ: Կազմակերպված միջոցառումների և ակցիաների իրականացումից հետո հաջողվեց ժամանակավորապես դադարեցնել պատմական հուշարձան համարվող Արամի 30 հասցեում գտնվող շենքի ապամոնտաժումը:
Thursday, May 5, 2011
ՊԱՐԶԱԲԱՆՈՒՄ
«Ծիրանի» ՀԿ-ն արդեն մի քանի շաբաթ է, ինչ իրականացնում է ծրագրեր, որոնք ուղղված են Դիլիջանի Հ. Շարամբեյանի անվան նկարչական դպրոցի զարգացմանը: Դրանց հիմնական նպատակն է դպրոցում մասնագիտական գրադարանի ձեւավորմանը եւ ոչ մի կերպ չի ենթադրում դպրոցի տեխնիկական հագեցվածության կամ պայմանների անբարենպաստություն:
Գրադարանը հնարավորություն է դպրոցի սաների մոտ բարձրացնել մասնագիտական գիտելիքների մակարդակը: Մյուս կողմից հնարավորություն է ընձեռում ձեւավորել Երեւանում այդ դպրոցի վերաբերյալ պատկերացումների ընդլայնման նախապայմաններ, քանի որ յուրաքանչյուր գրքի նվիրատու տեղեկանում է դպրոցի, վերջինիս փայլուն գործառնման եւ սաների հաջողության մասին:
Այսպիսով՝ «Ծիրանի» ՀԿ-ն տեղեկացնում է, որ Ապրիլի 26-ին «Առավոտ» թերթի էլեկտրոնային եւ տպագիր հոդվածներում առկա հոդվածը ոչ մի առնչություն չունի «Ծիրանի» ՀԿ-ի կողմից տրամադրվող տեղեկատվության հետ:
Ավելին, «Ծիրանի» ՀԿ-ն ներկա գտնվելով նկարչական դպրոցում կարող է փաստել, որ այդ տեղեկատվությունը չի համապատասխանում իրականությանը, իսկ նախաձեռնությունը կրում է զուտ քաղաքացիական ներգրավվածության նպատակ:
Ֆիլմի դիտում-դասախոսություն Դիլիջանի Հովհաննես Շարամբեյանի անվան նկարչական դպրոցում
2011թ. ապրիլի 16-ին, Դիլիջանի Հ. Շարամբեյանի անվան նկարչական դպրոցի հրավերով, «Ծիրանի» ՀԿ-ն դպրոցի աշակերտների և դասախոսների համար ներկայացրեց «Հրաշք Վանիկը» ֆիլմը: Ֆիլմը «Շողակաթ» հեռուստաընկերության պատրաստած ֆիմն է, որը պատմում է դպրոցի հիմնադրի` Հովհաննես Շարամբեյանի մշակութային գործունեության մասին:
Ֆիլմի ավարտից հետո «Ծիրանի» ՀԿ-ի նախագահ Նարեկ Աշուղաթոյանը ներկաներին տեղեկացրեց Դիլիջան քաղաքի հուշարձանների վերաբերյալ «Ծիրանի» ՀԿ-ի ապագա աշխատանքների, ինչպես նաև Հ. Շարամբեյանի մասին պատմող ևս մեկ ֆիլմի նախագծի մասին:
Thursday, April 21, 2011
ԽՆԴՐԱՆՔ
Հարգելի հայրենակիցներ,
Վերջերս «Ծիրանի»-ի թիմն այցելեց Դիլիջանի Հ. Շարամբեյանի անվան նկարչական դպրոց: Այս դպրոցն այսօր ունի շատ սահմանափակ հնարավորություններ, սակայն դպրոցի սաներն ամեն տարի մասնակցում մի շարք տեղային եւ միջազգային մրցույթների և շատ դեպքերում զգալի հաջողությունների են հասնում:
Դպրոցն այսօր արվեստի գրքերով համալրված գրադարանի խիստ կարիք ունի: «Ծիրանին» խնդրում է Ձեզ լինել մասնակից այս նախաձեռնությանը:
Դրա համար, պարզապես, անհրաժեշտ է նվիրել արվեստի վերաբերյալ գրքեր:
Մեզ կարող եք գրել` tsiranihk@gmail.com կամ զանգահարել (077) 87 87 32 կամ (093) 47 43 32 հեռախոսահամարներով:
Dear compatrions,
Recently “Tsirani” team visited Art School after H. Sharambeyan in Dilijan. The school has limited sources, but in contrast the students are willingly participating in various local and international competitions. And mostly they achieve significant results.
The school is in need of a library, filled with various books about Art. “Tsirani” calls up to participate in this initiative.
To do so, you just need to donate an Art book for the future library.
You can contact us either via tsiranihk@gmail.com or (077) 87 87 32 /(093) 47 43 32 phone numbers.
Monday, March 7, 2011
SOS.TSIRANI.AM ԿԱՅՔԻ ՄԵԿՆԱՐԿՈՒՄ
2011թ. մարտի 3-ին մամլո ասուլիսի շրջանակներում ներկայացվեց «sos.tsirani.am» կայքը: Վերջինիս հանդիսանում է «ԾԻՐԱՆԻ» ՀԿ-ի երկարատեւ աշխատանքների արդյունքը:
«Փրկե՛նք Հուշարձանները»/Sos Monuments նախագիծը «Ծիրանի» ՀԿ-ի նախաձեռնությունն է:Այն նպատակ ունի ի մի բերել հայկական հուշարձաններին վերաբերող տարաբնույթ հրատապ խնդիրներ եւ որպես վերջնարդյունք՝ այդ խնդիրներն ուղղել համապատասխան գերատեսչություններին ու դրանց լուծմանը շահագրգիռ այլ կառույցների եւ անհատների:
Յուրաքանչյուր անհատ կամ շահագրգիռ կառույց կարող է մասնակցություն ունենալ այս նախագծում հետեւյալ կերպ. եթե նկատում եք որեւէ հուշարձանի պահպաննությանն առնչվող խնդիր, լուսանկարեք եւ ուղարկեք մեզ կամ պարզապես տեղեկացրեք իրավիճակի մասին:
ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ
2011թ. մարտի 4-ին «ԾԻՐԱՆԻ» ՀԿ-ն հյուրընկալվեց ԵՊՀ Ժուռնալիստիկայի ֆակուլտետում: Միջոցառումը կազմակերպվել էր ԵՊՀ Ժուռնալիստիկայի ֆակուլտետի Ուսանողական գիտական ընկերության կողմից:
Հանդիպման ժամանակ ներկայացվեցին Ջուղայի գերեզմանատան ոչնչացման հարցի շուրջ վերջին տարիններին կատարած հետազոտական աշխատանքների արդյունքները՝ հատուկ շեշտադրում իրականացնելով տեղեկատվական ոլորտի վրա, որի շնորհիվ հնարավորություն է ընձեռնվում կանխել հուշարձանների քանդումը: Այս համատեքստում նաեւ ներկայացվեց «Փրկե՛նք հուշարձանները» նախաձեռնությունը: Առանձնահատուկ ուշադրություն հատկացվեց այն հանգամանքին, որ լրագրողների դերը եւս շատ մեծ է նախաձեռնության առաջընթացի ապահովման գործընթացում:
Saturday, February 19, 2011
ՀԵՏԱԶՈՏՈՒԹՅԱՆ ԱՐԴՅՈՒՆՔՆԵՐԻ ՆԵՐԿԱՅԱՑՈՒՄ
«Ծիրանի» ՀԿ անդամները բոլոր հետաքրքրվող մարդկանց հրավիրել էին հանդիպման: Հանդիպմանը «Ծիրանիի» անդամները ներկայացրին վերջին տարիներին Զուղայի գերեզմանատան ոչնչացման հիմնահարցի տեղեկատվական, իրավական և հասարակագիտական մի շարք հետաքրքրական հետազոտական արդյունքներ, որոնք միտված են գործանականում պաշտպանել մեր մշակութային մնացյալ հուշարձանները:Միջոցառման ընթացքում ներակայացվեց «Ծիրանիի» կողմից մշակված «Փրկենք հուշարձանները» նախագիծը, որը նպատակ ունի մեկ միասնական վիրտուալ հարթակում զետեղել հայկական հուշարձաններին վերաբերող տարաբնույթ հրատապ խնդիրներ և որպես վերջնարդյունք` ուղղորդել դեպի համապատասխան թիրախային լսարաններ:
Յուրաքանչյուր անհատ կամ շահագրգիռ կառույց կարող է իր մասնակցությունն ունենալ այս ծրագրում հետևյալ կերպ. եթե նկատում եք հուշարձանների պահպանությանն առնչվող խնդիրներ, ապա լուսանկարեք եւ ուղարկեք մեզ կամ, պարզապես, բանավոր կերպով տեղեկացրեք իրավիճակի մասին թեժ գծի միջոցով: Մանրամասները` sos.tsirani.am կայքում:
Sunday, February 13, 2011
ԴԱՍԱԽՈՍՈՒԹՅՈՒՆ-ՔՆՆԱՐԿՈՒՄ
2011թ. փետրվարի 11-ին «Ծիրանի» ՀԿ-ն կազմակերպեց «Հայկական հեքիաթներում եւ դիցավեպերում թաքնված օրացուցային եւ տիեզերագիտական գաղտնիքները» խորագրով դասախոսություն-քննարկում:Դասախոսությունը վարեց աստղաֆիզիկոս, տոմարագետ Գրիգոր Բրուտյանը: Հարգարժան հյուրը ներկայացրեց հայկական հեքիաթներում եւ դիցավեպերում առկա կերպարների կապը աստղագիտական մի շարք երեւույթների հետ:
Sunday, January 30, 2011
«ԾԻՐԱՆԻՆ» 3 ՏԱՐԵԿԱՆ Է ...
«Ծիրանիի» հիմնադրման 3 տարին պատիվ ունեցանք նշելու Ա. Աբրահամյանի անվան ռուսական արվեստի թանգարանում: Թանգարանի կոլեկտիվը ջերմորեն ընդունեց մեզ և մեր հյուրերի համար կազամկերպեց թանգարանային էքսկուրսիա: Ապա, Նարեկ Աշուղաթոյանը ներկայացրեց 2010թ. «Ծիրանիի» գործունեությունը, որին էլ հաջորդեց շնարհակալագրերի հանձնում:2010թ. «ԾԻՐԱՆԻ» ՀԿ ԳՈՐԾՈՒՆԵՈՒԹՅՈՒՆԸ.
- Դասախոսություն - քննարկում Արցախի Տիգրանակերիտի շուրջ. բանախոս` Համլետ Պետրոսյան:
- Դասախոսություն - քննարկում Զուղայի կործանված գերեզմանատան դատապարտման իրավական հեռանկարների վերաբերյալ Բրյուսովի անվան լեզվաբանական համալսարանում:
- http://julfa.webs.com/ բլոգի մեկնարկում: Բլոգը նախատեսված է ինֆո քարոզչության համար և ներկայացնում է Զուղայում կատարված բարբարոսությունները:
- «Ճանաչի՛ր քո հուշարձանները» ակցիա, թռուցիկների բաժանում-իրազեկում Երևանի Կաթողիկե եկեղեցու հարավային պատի մի արձանագրության մասին:
- Գրաբարի ուսուցման գարնանային դպրոց: Մասնակցում էին 130 հոգի:
- Գարնանային դպրոց «Հայոց մշակույթի ներկայությունը համացանցում» (մեկ ամիս տևողությամբ): Մասնակցում էին 25 հոգի:
- Երկու դասախոսություն Գլաձորի համալսարանում «մշակութային ցեղասպանության» թեմայի վերաբերյալ:
- Գրական երեկո - հանդիպում կանադացի բանաստեղծ, ցեղասպանագետ Ալան Ուայթհորնի հետ:
- Զեկույց մշակութային ցեղասպանությանը նվիրված միջազգային գիտաժողովում: Իրավական վերլուծություն:
- Զուղայի հիմնախնդրի ներկայացում Եվրոպական պառլամենտում: Բելգիայի «Նուարդ» մշակութային կազմակերպության մեծ աջակցությամբ:
- «Գրաբար: Լեզու նախնեաց» ֆիլմի նկարահանում: 18 րոպե: Շանորհանդես Հայաստանի Ամերիկյան համալսարանի դահլիճում:
- Հայաստանի Ամերիկյան համալսարանի և Կարմիր խաչի միջազգային կոմիտեի կազմակերպած միջազգային մարդասիրական իրավունքի վերաբերյալ ամառային դպրոցում դասախոսություն: Թեմա` «Մշակութային արժեքների պահպանության հիմնախնդիրները զինված ընդհարումների ժամանակ»:
- «Գրաբար: Լեզու նախնեաց» ֆիլմի ցուցադրություն ԵՊՀ Արևելագիտության ֆակուլտետում:
- «Ազգային խորհդանշանների օգտագործումը ժամանակակից զանգվածային մշակույթի մեջ» խորագրով դասախոսություն-քննարկում: Վարում էր Համլետ Մելքոնյանը:
- «Գրաբար: Լեզու նախնեաց» ֆիլմի ցուցադրություն Հայաստանի Երիտասարդ Կանանց Ասոցիացիայում:
- «Գրաբար: Լեզու նախնեաց» ֆիլմի ցուցադրություն «Ժառանգ» ՀԿ-ում:
- «Գրաբար: Լեզու նախնեաց» ֆիլմի ցուցադրություն «Երկիր և Մշակույթ» ՀԿ-ում:
- «Գրաբար: Լեզու նախնեաց» ֆիլմի ցուցադրություն Երիտասարդ առաջնորդների դպրոցում:
- Հայագիտական դասախոսություններ ԼՂՀ Քաշաթաղի Բերձոր քաղաքի և հարակից գյուղերի համար
- Դասախոսություն-քննարկում «Ի՞ՆՉ ԵՆ ԹԱՔՑՆՈՒՄ ԱՐԵՎՄՏՅԱՆ ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐԻ ԹՈՒՐՔԱԿԱՆ ՑՈՒՑԱՆԱԿՆԵՐԸ» թեմայի շուրջ:
- Զուղայի մշակութային ցեղասպանությունը http://globalheritagefund.org/ հանրահայտ կայքում
- «Գրաբար: Լեզու նախնեաց» ֆիլմի ցուցադրություն «Կենաց տուն» ՀԿ-ում:
- Դասախոսություն-քննարկում «ՋՐԻ ՍԻՄՎՈԼԻԿ ՆՇԱՆԱԿՈՒԹՅՈՒՆԸ ՀՈՒՇԱՐՁԱՆՆԵՐԻ ԿԱՌՈՒՑՄԱՆ ՀԱՄԱՏԵՔՍՏՈՒՄ» թեմայի շուրջ:
- Դասախոսություն-քննարկում «ՋՐԻ ՍԻՄՎՈԼԻԿ ՆՇԱՆԱԿՈՒԹՅՈՒՆԸ ՀՈՒՇԱՐՁԱՆՆԵՐԻ ԿԱՌՈՒՑՄԱՆ ՀԱՄԱՏԵՔՍՏՈՒՄ» թեմայի շուրջ «ՀԵԿԱ» գրասենյակում:
- Դասախոսություն-քննարկում ԵՊՀ արևելագիտության ֆակուլտետում. «Ջուղա. Ցեղասպանության նոր դասեր»:
- http://jugha-jp.blogspot.com/ ճապոներենով բլոգի մեկնարկում:
- «Ինչո՞ւ ենք հայերս Սուրբ Ծնունդը նշում հուվարի 6-ին» խորագրով դասախոսություն-քննարկում:
ՏԵՍԱԿԵՏ/ԲՈՂՈՔ
Թուրքական Elle ամսագրի հունվարյան համարի շապիկի նկարահանումներն իրականացվել են Անիի ավերակաների շրջակայքում, ընդ որում որոշ լուսանկարներ արվել են անմիջապես Անիի կաթողիկե մայր տաճարում: Սրբազան վայրի նմանատիպ անհարիր կիրառությունը ինքնին խնդրահարույց է՝ հաշվի առնելով Թուրքիայի կողմից նմանատիպ քայլերի զարգացման միտումները:Փորձ իրականացնելով համատեղել եվրոպական եւ ասիական ինքնությունները՝ Թուրքիան կենտրոնացնում է իր շուրջ մի շարք խոշոր առեւտրային եւ ոչ առեւտրային կազմակերպություների: Այն միաժամանակ փորձում է ներկայանալ սեփական մշակույթի այնպիսի ոչ ներկայացուցչական տարրերով, որոնք վերցվել են նախկին Օսմանյան կայսրության տարածքում ապրող խմբերի պատմական անցյալից:Քեմալական ավանդույթները շարունակող հասարակարգում բավականին խորն են արմատավորվել մի շարք կարեւոր հայկական պատմա-մշակութային եւ հուշարձանային համալիրների հանրային ներկայացումներն ու դիտարկումները՝ որպես սեփական, ըստ այդմ՝ նաեւ համապատասխան համատեքստից դուրս:
Որպես նմանատիպ օրինակ կարելի է դիտարկել Արդահանին հարակից հատվածներից մեկում Քեմալի պատկերի որոնումը: Կրկնօրինակելով ԱՄՆ-ում տարածում գտած մոտեցումը, որ Մաուի կղզու լեռներից մեկի վրա ուղիղ կեսօրին կարելի է դիտել նախագահներից մեկի կիսադեմը, դեպքի տարածում են իրականացրել տեղային լեռներից մեկի վրա: Վերջին մի քանի տարիներին այստեղ հունիս 25-հուլիս 5 ժամանակահատվածում իրականացվում է Աթաթուրքին նվիրված միջոցառումների շարք[1]: Այստեղ են հավաքվում Թուրքիայի տարբեր մարզերից մարդիկ, ովքեր մասնակցում են այս պաշտամունքային միջոցառմանը՝ դիտարկելով տարածքը որպես վաղ թուրքական տարածաշրջան: Եւ այս ամենը այն պարագայում, երբ քաջ հայտնի է տարածքի հայկական լինելու հանգամանքը: Սակայն այդ փաստը երբեւէ չի ենթարկվում որեւէ քննարկման:
Եթե նախկինում դրանք հիմնականում սահմանափակվում էին պատմության տարածքային վերագրումներով, ապա այժմ պատկերը մի փոքր այլ է: Այստեղ խոսքը գնում է Անիի ավերակների շրջակայքում իրականացված ELLE Turkey ամսագրի լուսանկարների մասին: Լուսանկարներում մանեքենուհիները հանդիսանում են որպես որոշակի բրենդերի հագուստի ներկայացնողներ, իսկ Անիի ավերակները լուսանկարի համար ծառայում են որպես լոկ ետնաբեմ:
Սա բավականին մտահոգիչ փաստ է, քանի որ եթե Արդահանի պարագայում մենք ունենք պատմական անցյալի խեղաթյուրում, ապա այստեղ առավել կարեւոր՝ կրոնական ավանդույթի խեղաթյուրման մասին է խոսքը գնում: Անին, որը շատ հաճախ նաեւ անվանվում է «1000 ու մի եկեղեցիների» քաղաք, ունի շատ խորը պատմական արմատներ եւ մեծ նշանակություն ունեցող պատմամշակութային տարածք է:
Այսպիսով, թուրքական հերթական քայլով հիմնավորվում է, որ Թուրքիայում ոչ միայն անտեսվում է նախկինում այնտեղ բնակության գտած ազգերի եւ հատկապես հայերի հոգեւոր մշակույթի նյութական դրսեւորումների պատմական համատեքստն ու կարեւորությունը, այլեւ փորձ է արվում դրանցից զատել հատկապես «կրոնական կարեւորության» գործոնը:
Դրա վառ արտահայտում կարելի է դիտարկել ոչ միայն մանեքենուհիների նկարահանումները սրբավայրում, որը քրիստոնեական ավանդույթի ոտնահարում է, այլեւ այն հանգամանքը, որ Սեպտեմբերի 30-ին «Ազգայնական շարժում» կուսակցությունը թույլտվություն էր ստացել նամազ անել Անիիում:
«Ծիրանի» հասարակական կազմակերպությունը դատապարտում է Թուրքիայի կողմից անհարգալից մոտեցումը հայկական սրբավայրերին եւ դրանց կիրառումը կոմերցիոն նպատակներով:
[1] “Miniaturizing Atatu¨rk: Privatization of state imagery and ideology in Turkey՚” Esra O¨ zyu¨ rek, American Ethnologist, Vol. 31, No. 3, pp. 374 – 391, ISSN 0094-0496. 2004 , American Anthropological Association
Monday, December 27, 2010
Դասախոսություն-քննարկում
2010թ. դեկտեմբերի 26-ին «ԾԻՐԱՆԻ» ՀԿ-ն կազմակերպեց «Ինչո՞ւ ենք հայերս Սուրբ Ծնունդը նշում հուվարի 6-ին» խորագրով դասախոսություն-քննարկում: Դասախոսությունը վարեց Մայր Աթոռ Սուրբ Էջմիածնի միաբան Տ. Շահե աբեղա Անանյանը: Դասախոսության ընթացքում խոսվեց Սուրբ Ծննդյան տոնի էության և կարևորության մասին: Ի հավելում սրան` քննարկվեց նաև մի նշանակալի հարց. ինչու են տարբեր եկեղեցիներ այս տոնը նշում տարբեր օրերի:Դասախոսության վերջում Հայր Շահեն պատասխանեց ներկանների հարցերին: Հարցերը վերաբերում էին թե բուն դասախոսությանը, թե առհասարակ, մեր կրոնին:
Saturday, December 25, 2010
ՇՆՈՐՀԱՎՈՐԱՆՔ
2010թ. հոկտեմբերի 14-ին Գերմանիայի հայոց թեմի Քյոփինկեն քաղաքի Սուրբ Խաչ եկեղեցում «Ծիրանի» ՀԿ անդամ Սերոբ սարկավագ Հովհաննիսյանը ստացավ իր քահանայական ձեռնադրությունն ու օծումը և անվանակոչվեց Տեր-Այգիկ քահանա Հովհաննիսյան: Դեկտեմբերի 26-ին Էջմիածին քաղաքի Սուրբ Աստվածածին եկեղեցում տեղի է ունենալու Տեր-Այգիկի անդրանիկ պատարագը:«Ծիրանի» ՀԿ-ն հանուն իր անդամների` իր շնորհավորանքն ու բարեմաղթանքներն է բերում նորոգ ձեռնադրյալ Տեր-Այգիկ քահանային:
Wednesday, December 15, 2010
Դասախոսություն-քննարկում ԵՊՀ արևելագիտության ֆակուլտետում. «Ջուղա. Ցեղասպանության նոր դասեր»
2010թ. դեկտեմբերի 15-ին ԵՊՀ արևելագիտության ՈՒԳ-ի և «Ծիրանի» ՀԿ նախաձեռնությամբ տեղի ունեցավ «Ջուղա. Ցեղասպանության նոր դասեր» խորագրով դասախոսություն-քննարկում: Միջոցառման ժամանակ դասախոսություններով հանդես եկան Նարեկ Աշուղաթոյանը և Սոնա Նահապետյանը:
Sunday, December 12, 2010
«ԾԻՐԱՆԻ» ՀԿ ՀԱՅՏԱՐԱՐՈՒԹՅՈՒՆ
Հարգելի հայրենակից,
Դեկտեմբերի 14-ը այն օրն է, երբ երկրի երեսից հավիտենապես ջնջվեց Զուղայի հին հայկական գերեզմանատունը: Արդարության համար մեր պայքարը շարունակվում է և խորապես հավատում ենք, որ այս ողբերգության միջազգային դատապարտումը կկանխի հայոց այլ հուշարձանների նկատմամբ բարբարոսական ոտնձգությունները, այդուհանդերձ,
հարգելի եղբայրներ և քույրեր,
թող, որ ամեն հայ այդ օրը իր եկեղեցում, տանը, աշխատատեղում աղոթք բարձրացնի տակնուվրա եղած այդ գերեզմանատանն ամփոփված հանգուցյալ հոգիների հանգստության համար:
«ԾԻՐԱՆԻ» ՀԿ
Դասախոսություն «Հայաստանի Երիտասարդ Կանանց Ասոցիացիայի» գրասենյակում
2010թ. դեկտեմբերի 9-ին «ԾԻՐԱՆԻ» ՀԿ –ի և «Հայաստանի Երիտասարդ Կանանց Ասոցիացիայի» նախաձեռնությամբ «ՀԵԿԱ» գրասենյակում կազմակերպեց սոցիոլոգներ, Սոնա Նահապետյանի («ԾԻՐԱՆԻ» ՀԿ), Աստղիկ Օսյանի և Ծովինար Բաբայանի (Հայկական Սոցիոլոգիական ակումբ) հետ հանդիպում: Հանդիպման ժամանակ բանախոսները խոսեցին «ՋՐԻ ՍԻՄՎՈԼԻԿ ՆՇԱՆԱԿՈՒԹՅՈՒՆԸ ՀՈՒՇԱՐՁԱՆՆԵՐԻ ԿԱՌՈՒՑՄԱՆ ՀԱՄԱՏԵՔՍՏՈՒՄ» թեմայի շուրջ:
Sunday, November 28, 2010
«ՋՐԻ ՍԻՄՎՈԼԻԿ ՆՇԱՆԱԿՈՒԹՅՈՒՆԸ ՀՈՒՇԱՐՁԱՆՆԵՐԻ ԿԱՌՈՒՑՄԱՆ ՀԱՄԱՏԵՔՍՏՈՒՄ»
2010թ. նոյոմբերի 28-ին «ԾԻՐԱՆԻ» ՄՇԱԿՈՒԹԱՅԻՆ, ԵՐԻՏԱՍԱՐԴԱԿԱՆ ՀԿ-ն կազմակերպեց սոցիոլոգներ, Սոնա Նահապետյանի («ԾԻՐԱՆԻ» ՀԿ), Աստղիկ Օսյանի և Ծովինար Բաբայանի (Հայկական Սոցիոլոգիական ակումբ) հետ հանդիպում: Հանդիպման ժամանակ բանախոսները խոսեցին «ՋՐԻ ՍԻՄՎՈԼԻԿ ՆՇԱՆԱԿՈՒԹՅՈՒՆԸ ՀՈՒՇԱՐՁԱՆՆԵՐԻ ԿԱՌՈՒՑՄԱՆ ՀԱՄԱՏԵՔՍՏՈՒՄ» թեմայի շուրջ: Ներկայացվեցին սոցիոլոգիական հետազոտության արդյունքներ, որոնցում քննարկվում էր ցայտաղբյուրների օրինակը:
Saturday, November 20, 2010
«ԳՐԱԲԱՐ - լեզու նախնեաց» ֆիլմը «Կենաց տանը»
2010թ. նոյեմբորի 20-ին «ԾԻՐԱՆԻ» ՀԿ –ի և «Կենաց տուն» ՀԿ-ի նախաձեռնությամբ «Կենաց տան» սրահում ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում Նարեկ Աշուղաթոյանը ներկայացրեց «Ծիրանիի» կատարած և դեռ սպասվելիք ծրագրերը ապա ֆիլմի վերաբերյալ ծավալվեց ակտիվ քննարկում:
Զուղայի մշակութային ցեղասպանությունը http://globalheritagefund.org/ հանրահայտ կայքում
Հարգելի հայրենակիցներ,Ուրախությամբ տեղեկացնում ենք Ձեզ, որ «Ծիրանի» ՀԿ-ի երկարատև և քրտնաջան աշխատանքի արդյունքում հնարավոր եղավ http://globalheritagefund.org/ հանրահայտ կայքում տեղադրել նյութեր, որոնք ներկայացնում են Զուղայում կատարված մշակութային ցեղասպանությունը: Նշենք, որ այս ամենը կյանքի կոչվեց ի շնորհ մեր այն հայրենակիցների, ովքեր «Ծիրանի» ՀԿ-ին զուգահեռ այդ կառույցին պարբերաբար ուղղարկում էին բազմաթիվ նամակներ:
Մանրամասները տես այստեղ`
http://ghn.globalheritagefund.org/explore.php?id=1225
Sunday, November 14, 2010
Դասախոսություն-քննարկում «Ի՞ՆՉ ԵՆ ԹԱՔՑՆՈՒՄ ԱՐԵՎՄՏՅԱՆ ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐԻ ԹՈՒՐՔԱԿԱՆ ՑՈՒՑԱՆԱԿՆԵՐԸ» թեմայի շուրջ
2010թ. նոյեմբերի 14 -ին «ԾԻՐԱՆԻ» ՀԿ-ն կազմակերպեց դասախոսություն - քննարկում «Ի՞ՆՉ ԵՆ ԹԱՔՑՆՈՒՄ ԱՐԵՎՄՏՅԱՆ ՀԱՅԱՍՏԱՆԻ ՊԱՏՄԱԿԱՆ ՀՈՒՇԱՐՁԱՆՆԵՐԻ ԹՈՒՐՔԱԿԱՆ ՑՈՒՑԱՆԱԿՆԵՐԸ» թեմայի շուրջ: «ԾԻՐԱՆԻԻ» հյուրն էր թուրքագետ, «Հայկական ճարտարապետությունն ուսումնասիրող կազմակերպություն» հիմնադրամի աշխատակից Րաֆֆի Քորտոշյանը: Հարգարժան բանախոսը արևմտյան Հայաստանում իր կատարած լուսանկարների հիման վրա ներկայացրեց ապատեղեկատվություն պարունակող մի շարք թուրքական ցուցանակներ` հիմնականում կենտրոնանալով Անի քաղաքի հուշարձանների թուրքական ցուցանակների շուրջ: Հանդիպման վերջում լսվեցին բազմաթիվ հետաքրքիր հարցեր և պատասխաններ:
Monday, November 8, 2010
Հայագիտական դասախոսություններ ԼՂՀ Քաշաթաղի Բերձոր քաղաքի և հարակից գյուղերի համար
2010թ. նոյեմբերի 6-7 «Ծիրանի» ՀԿ-ն Վարուժան Գեղամյանի աջակցությամբ կազմակերպեց Հայագիտական դասախոսություններ ԼՂՀ Քաշաթաղի Բերձոր քաղաքի և հարակից գյուղերի համար: Դասախոսությունները տեղի ունեցան Բերձոր քաղաքի Համբարձում Գալստյանի անվան N 1 միջնակարգ դպրոցում: Դասախոսություններով հանդես եկան Նարեկ Աշուղաթոյանը, Սոնա Նահապետյանը և «Ծիրանի»-ի բարեկամ Վարուժան Գեղամյանը:Ծրագրի իրականացման համար մեզ մեծապես օգնեցին Վարուժան Գեղամյանը և դպրոցի տնօրեն` Անահիտ Քոսակյանը:
Wednesday, October 27, 2010
«ԳՐԱԲԱՐ - լեզու նախնեաց» ՖԻԼՄԻ ՑՈՒՑԱԴՐՈՒԹՅՈՒՆ
2010թ. հոկտեմբերի 27-ին «ԾԻՐԱՆԻ» ՀԿ –ի և «Երկիր և Մշակույթ» ՀԿ-ի նախաձեռնությամբ «Երկիր և Մշակույթ»-ի գրասենյակում ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում ծավալվեց քննարկում:
Thursday, September 23, 2010
«ԳՐԱԲԱՐ - լեզու նախնեաց» ՖԻԼՄԻ ՑՈՒՑԱԴՐՈՒԹՅՈՒՆ
2010թ. սեպտեմբերի 22-ին «ԾԻՐԱՆԻ» ՀԿ –ի և «ԺԱՌԱՆԳ» ՀԿ-ի նախաձեռնությամբ «ԺԱՌԱՆԳ»-ի գրասենյակում ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում ծավալվեց քննարկում:
Monday, September 20, 2010
Saturday, September 18, 2010
Ազգային խորհդանշանների օգտագործումը ժամանակակից զանգվածային մշակույթի մեջ
2010թ. սեպտեմբերի 18-ին «ԾԻՐԱՆԻ» ՀԿ-ն և «Արամարա» ընկերությունը համատեղ կազմակերպեցին «Ազգային խորհդանշանների օգտագործումը ժամանակակից զանգվածային մշակույթի մեջ» խորագրով դասախոսություն-քննարկում:
Դասախոսությունը վարեց Համլետ Մելքումյանը (ԵՊՀ Մշակութաբանության ամբիոն, ասպիրանտ: ՀԱԻ Արդիականության ազգաբանության բաժնի աշխատակից): Ներկայացվեց Հայաստանում ժամանակակից հուշանվերային մշակույթում ազգային խորհրդանշանների վերստեղծման, օգտագործման, մասայականացման - շուկայականացման գործընթացները (ըստ երևանյան Վերնիսաժների հետազոտության):
Thursday, September 16, 2010
«ԳՐԱԲԱՐ - ԼԵԶՈՒ ՆԱԽՆԵԱՑ» ՖԻԼՄԻ ՑՈՒՑԱԴՐՈՒԹՅՈՒՆ «ՀԵԿԱ»-Ի ԳՐԱՍԵՆՅԱԿՈՒՄ
2010թ. սեպտեմբերի 16-ին «ԾԻՐԱՆԻ» ՀԿ –ի և «Հայաստանի Երիտասարդ Կանանց Ասոցիացիայի» նախաձեռնությամբ «ՀԵԿԱ» գրասենյակում ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում ծավալվեց թեժ քննարկում:
Շնորհակալություն Վարուժան Գեղամյանին:
Wednesday, September 15, 2010
«ԳՐԱԲԱՐ - լեզու նախնեաց» ՖԻԼՄԻ ՑՈՒՑԱԴՐՈՒԹՅՈՒՆ ԵՊՀ ԱՐԵՒԵԼԱԳԻՏՈՒԹՅԱՆ ՖԱԿՈՒԼՏԵՏՈՒՄ
2010թ. սեպտեմբերի 14-ին «ԾԻՐԱՆԻ» ՀԿ նախաձեռնությամբ, «Արևելագետների ակումբի» և ԵՊՀ արևելագիտության ֆակուլտետի ՈՒԳ-ի օժանդակությամբ ներկայացվեց «ԳՐԱԲԱՐ - լեզու նախնեաց» վավերագրական-քարոզչական ֆիլմը: Ֆիլմի վերջում ծավալվեց ակտիվ քննարկում:
Հատուկ շնորհակալություն Վարուժան Գեղամյանին կազմակերպչական գործում մեծ աջակցության համար:
Sunday, August 15, 2010
Wednesday, August 11, 2010
«ԳՐԱԲԱՐ - լեզու նախնեաց» ֆիլմի շնորհանդէսը
2010թ. օգոստոսի 10 -ին «ԾԻՐԱՆԻ» ՀԿ-ն ՀԱՀ Մանուկեան սրահում կազմակերպեց «ԳՐԱԲԱՐ - լեզու նախնեաց» վաւերագրական ֆիլմի շնորհանդէսը: Ֆիլմը չորս ամսուա քրտնաջան աշխատանքի արդիւնք է, որը նպատակ ունի երիտասարդութեան մէջ վերարթնացնելու գրաբարի հանդեպ սէրը եւ դրանով ցոյց տալու, որ գրաբարը հիմքն է, ինչպէս արդի հայերենի այնպէս էլ մեր` հայերիս ողջ
լեզուամտածողութեան:
ֆիլմը չի քարոզում վերադարձ դեպի գրաբար, այլ կարեւորում է մեզանում դրա իմացութիւնը, քանզի, փաստ է, որ գրաբարը մեր մշակոյթի, ասել է թէ` մեր ինքնութեան կարեւորագոյն մի մասն է:
«Ծիրանի» հկ-ն արդեն մեկ տարի է, ինչ նախաձեռնել եւ իրականացնում է գրաբարի անվճար դասընթացներ, որոնց արդիւնքում շուրջ 200 հայորդիներ հնարաւորութիւն են ստացել առնչուելու մեր նախնիների կողմից մեզ աւանդուած ոսկեղենիկ գրաբարին: ՀԿ-ի այս փորձը ցոյց տուեց, որ գրաբարի նկատմամբ հետաքրքրութիւնը շատ մեծ է, պարզապէս մեզանում պէտք է փոխել այն կարծրատիպը, թէ գրաբարը դժուար է ու անմատչելի: Ահա, մեծաւ մասամբ հենց այս նպատակով է, որ ՀԿ-ն իրականացրեց սոյն ֆիլմի պատրաստութիւնը:
Ֆիլմի ռեժիսոր և յեղինակ - Նարեկ Աշուղաթոյեան
Օպերատոր և մոնտաժող - Լեւոն Առաքելեան
Պրոդիւսեր - Լիլիա Պետրոսեան
Տեւողութիւնը` 18 րոպե
Լեզուն` Հայերեն
Միջոցառման վերջում ազգային-հոգեւոր երգորով ծաղկացրեց Արարատեան Հայրապետական թեմի «Ծաղկազարդ» երգչախումբը, գլխաւորութեամբ տիկին Լիլիթ Գրիգորյանի:
Subscribe to:
Posts (Atom)
